Call Us: 071-438513/419013

Background & Concept

नेपालको ग्रामीण अर्थतन्त्रलाई चलायमान बनाईराख्नको लागि ग्रामीण विपन्नवर्गको वित्तिय स्रोतमा पहुच सुनिश्चित हुनुपर्दछ । दुर्गम र ग्रामीण क्षेत्रमा वित्तीय स्रोत परिचालन गर्ने कार्यमा सामुदायिक सहकारी संस्थाहरुको भूमिका सर्वाधिक महत्वपूर्ण हुने तथ्यलाई मनन् गर्दै ग्रामीण स्वावलम्बन बिकास केन्द्र, काठमाडौंले मुलुकको १२ जिल्लामा १७२ वटा स्वावलम्बन सहकारी संस्थाहरुको स्थापना र प्रवर्धन गरेको थियो । ग्रामीण स्वावलम्बन विकास केन्द्रद्वारा प्रवर्दित सहकारी संस्थाहरुले स्थानीयस्तरमा बचत तथा ॠण कारोबार मार्फत लघुवित्त परिचालन गर्ने कार्य गर्दै आईरहेकोमा, स्थानीयस्तरमा उपलब्ध वित्तीय स्रोतको तुलनामा कर्जाको माग अत्याधिक हुन गएकोले, सहकारी संस्थाहरुलाई सरलरुपमा वित्तीय स्रोत उपलब्ध गराउने एक दिगो र प्रभावकारी माध्यमको आवश्यकता सो केन्द्रलाई महसुस भयो । मुख्यत: ग्रामीण स्वावलम्बन विकास केन्द्रद्वारा प्रवर्दित स्वावलम्बन सहकारी संस्था र यस्तै प्रकृतिका अन्य सामुदायिक सहकारी संस्थाहरुको वित्तीय आवश्यकतालाई सरल र भरपर्दो रुपमा पुर्ती गर्नको लागि ग्रामीण स्वावलम्बन विकास केन्द्रले यस वित्तीय संस्थाको परिकल्पना गरेको थियो । विपन्न वर्गमा लघुवित्त कारोबार सञ्चालन गर्नका लागि सामुदायिक सहकारी संस्थाहरु नै उपयुक्त हुन्छन् र यसबाट वित्तीय कारोबारमा स्वामित्वको वितरण तल्लो तहसम्म गर्न सकिन्छ भन्ने ग्रामीण स्वावलम्बन विकास केन्द्रको मान्यतामा तत्कालिन लुम्बिनी बैंक लि. ( हाल: बैंक अफ काठमाडौं लि.) तथा १७२ जना व्यक्तिगत लगानीकर्ताको बलियो साथ र सहयोगले यस आरएसडिसी लघुवित्त वित्तीय संस्था लि.'को जन्म भयो ।

Mission

ग्रामीण विपन्न समुदायलाई स्वावलम्बी, स्वाभिमानी, आत्मनिर्भर र आर्थिक रुपमा सशक्त बनाउनको लागि स्थानीय संस्थाहरुको प्रबर्धन, सशक्तिकरण र विकास ।

Vision

स्वावलम्बी, स्वाभिमानी, आत्मनिर्भर र आर्थिक रुपमा सशक्त समाजको निर्माण ।

Goal

ग्रामीण विपन्न वर्गको वित्तीय आवश्यकता आफ्नै स्वामित्वको संस्थाहरु मार्फत पुरा गर्ने वातावरण निर्माण ।

Brief Introduction

आरएसडिसी लघुवित्त वित्तीय संस्था लि. बैंक तथा वित्तीय संस्था सम्बन्धी ऐन, २०६३ र कम्पनी ऐन, २०६३ अन्तर्गत स्थापित र नेपाल राष्ट्र बैंकबाट वित्तीय कारोबार गर्न इजाजतपत्र प्राप्त 'घ' वर्गको राष्ट्रियस्तरको 'थोक लघुकर्जा' प्रदायक वित्तीय संस्था हो । रुपन्देहीको बुटवलमा केन्द्रीय कार्यालय रहेको यस वित्तीय संस्थाले मिती २०७० भदौ २६ गतेदेखि आफ्नो कारोबार शुभारम्भ गरेको हो । यस संस्थाको प्रारम्भिक अधिकृत पुंजी रु. २० करोड र जारी र चुक्ता पुंजी रु. ६ करोड थियो । यस संस्थाको ६० प्रतिशत शेयर संस्थापक र ४० प्रतिशत शेयर सर्वसाधारणको लागि जारी गरिएको छ । संस्थापक शेयरमा ग्रामीण विकास स्वावलम्बन १२.१४ %, तत्कालिन लुम्बिनी बैंक लि. (हाल: बैंक अफ काठमाडौं) को १२% र १७२ जना व्यक्तिगत लगानीकर्ताको २३.४६% शेयर रहेको छ ।
हाल आरएसडीसीएमएफको पुंजी संरचना यस प्रकार छ:

अधिकृत पुंजी १ अर्ब
जारी पुंजी ७३ करोड १९ लाख
चुक्ता पुंजी ७३ करोड १९ लाख